Para o tema que estamos tratando
tivemos a sorte de entrevistar ao presidente da única cooperativa que hai en
Silleda, Indega Coop. Con Paulino González Fernández, presidente dende agosto
do 2009, tivemos a oportunidade de falar e darnos os seus pareceres.
Paulino González Fernández
1. Como
xurdiu a cooperativa Indega?
Foi unha fusión
de dúas cooperativas, Os Chaos e Sila. As dúas por sí soas eran inviables,
ademais de canto máis grandes mellor se compite e abarátanse custes.
2. Como
funciona a cooperativa por socios? Como está entramada por dentro?
Para entrar hai
que pór 400E de capital social. As decisións importantes tómanse en asambleas. Eu presenteime en agosto do 2009 debido a que ninguén se quería presentar e
rompía a cooperativa.
3. A
cantos gandeiros lles beneficia a cooperativa? E que servicios ofertades?
Agora mesmo a
395. Eles entregan o leite e nós servimoslle penso, substitución, asesoramento
e servicios veterinarios; isto é, clínica, reproducción, calidade de leite e
alimentación. Temos un servicio ecolóxico denominado GES.
Tamén damos
traballo directo a 16 persoas. Sen contar os leiteiros e repartidores de penso
que son autónomos.
4. Son
todos do municipio de Silleda?
O 90% dos
gandeiros, sí.
5. Acordase,
foron gañando ou perdendo gandeiros?
Cando entrei eu
había cero litros de leite, chegamos a 2 millóns de litros mensuais e agora
estamos en algo máis dun millón. Socios seguimos sendo os mesmos, iso sí algúns
deixaron de entregar leite.
6. A
quen lle vendedes o leite que producides? A canto o pagan? Cubre os custes de
producción?
A Alimentos
Lácteos e a Renny Picot (Asturias). O mes de novembro pagárono a 34
cents/litro. Con este prezo non se cubren os custes, para cubrilos terían que
pagalo a 36, 38 ou 39 para que fose rentable.
7. A
que se debe que Alimentos Lácteos vaia mal actualmente?
Porque estivo
moi mal xestionada polo presidente e vicepresidente. Fixeron unha empresa dúas
persoas para beneficio propio. Cooperativa Arzuana e Gancobe eran as maiores
accionistas co 51% e as outras nove mantiñan o 49%. Os maiores accionistas
poñían trabas á entrada de máis cooperativas co beneplácito da Xunta.
Alimentos
Lácteos era unha empresa destinada a aglutinar o maior número de cooperativas
de Galicia para pagarlle ao produtor un prezo xusto polo seu traballo.
As cooperativas
maiores opoñíanse a entrada de máis porque así perdían forza. De tal maneira
que se agora houbese 30 cooperativas isto iría como unha moto.
8. A
crise de Alimentos Lácteos afecta a vosa cooperativa?
Sí, repercute
polo atraso dos pagos. Esto afecta a nivel de Galicia.
9. Porque
ata o de agora nunca houbo unha empresa tan importante neste sector?
Non hai empresa
porque é moi difícil aglutinar a todos os gandeiros. Todos queren mandar e é
moi difícil pórse dacordo.
10.Cales son as causas de que o sector vaia mal?
Entre Feiraco,
Alimentos Lácteos, Leite Río, Ecolab (antiga Clesa) e Peñasanta tiñan que
producir o 80% do leite con queixos, iogures, manteiga…Ademais hai moitas
explotacións pequenas, hai que aumentar a base territorial, é dicir, favorecer
a concentración parcelaria. A entrada na UE na teoría non foi mala, na práctica
sí.
11. A semana pasada estiveron en folga.
Conseguiron algo con ela?
A folga en
principio non valeu para nada. Puido valer para que os sindicatos xustifiquen o
seu traballo. Os sindicatos están pagados polos partidos políticos e só
funcionarán cando nós os paguemos. Polo de agora son todos iguais.
En teoría o
traballo do sindicato debería ser coincienciar á xente de que consuman o noso
produto.
12.Que
solucións serían as idóneas?
Solucións
elaborar o máximo de leite xa sexa en brick e nos seus derivados e coincenciar
a poboación de que o consuman xa que o produto galego e español é o mellor.
13. É
moi diferente a situación dun gandeiro galego a un holandés?
Non sei o caso
concreto dos holandeses, pero en Italia págase a 42 cénts/litro.
14. De
seguir así que futuro terá a cooperativa?
Os gandeiros a
nivel xeral están moi mal. De seguir así pode que o abandonen o 80% dos
produtores. Se o gandeiro vai ben a cooperativa vai ben.
José Fontao Salgueiro
No hay comentarios:
Publicar un comentario